Otkute var oçalişute imralinen. Vanati “ otkute var oxenute imralinen” ti na-matkvenan tkvala dido na-mom3’ons ar tkvala ren. Skidala çkimis p’anda nosiz na-miğun ham tkvala felsefe-çkimi steri ren. P’anda ham oxo3’onaşi doloxe duyla bikom do ham tkvala meğira yado mebisamadi. Mteli k’oçepekti ham oxo3’onaten duyla van-na k’oçinobaşe k’ele dido gza na-eizdinasenti miçkinan. Mteli k’oçepekti haşo [...]
Mçxvaporas, didi moşvacinas na-bikomt’i goxtimape han3’oti xoloti na-maxenen k’onarite oxenuşe biçalişam. Lazonas goxtima na-minont’u svape do oput’epeşi mi3ikape kogopti, dido k’elepeti hakşakis var-gomalu. Haksakis na-var gomaludort’un oput’epeşi ari; Arkabişi oput’e naren, dido oraşen doni oz*iramu na-mint’u do na-var maludort’un P’ap’ilati oput’e t’u. Hek oxtimu çkar var-maxenudort’un. Xanç’e Gola Kutura do Sanat’işi Festivalis ok’atute ancaxi maxenu. Ham [...]
So Boret ! Na-gondunun Kultura do nena-çkuni oskidinu şeni haksakis na-ixenen oçalişupeşi aşamaz so boret! Mexola eçido-xut 3’anaşen dido ora divu, Lazepek kultura do nena-mutepeşi şeni ham oçalişuz na-gyoç’k’es. Kulturaşe Oroperi ar nuxu k’oçiten na-geiç’k’u ham içalişus hakşakis nak’o ak’atina ivu. Va jur k’at’i vanati sum k’at’i. Hak’onari k’oçişi ak’atina en3inaşi dodgitinas ubağun doga3’onenani… Var-ubağun. [...]
Ho, da do cumalepe. Asimilasyoni xes ti-çkuni mebaşkvitdoren. Mu xai, na ixenen ham dulyak nena çkuni en3inaşi dudişe komoyonu. Mu p’at-na p’at nena do kultura çkuni an3inaşi xeşen mobuşletinat. 3’analepeşen doni na ixenen hamduylas heşo vanati haşo xoloti nionen. K’oçepekti va çkineri vanati uçkinu ham dulyaşi doloxe doskidunan. Haşopeten tamo tamo kultura do nena mutepeşişen [...]
Otkute var oçalişute imralinen. Vanati “ otkute var oxenute imralinen” ti na-matkvenan tkvala dido na-mom3’ons ar tkvala ren. Skidala çkimis p’anda nosiz na-miğun ham tkvala felsefe-çkimi steri ren. P’anda ham oxo3’onaşi doloxe duyla bikom do ham tkvala meğira yado mebisamadi. Mteli k’oçepekti ham oxo3’onaten duyla van-na k’oçinobaşe k’ele dido gza na-eizdinasenti miçkinan. Mteli k’oçepekti haşo [...]
Naşkvit! Ğalepe Çaçxalas… Turkiyes na-ixmarinen elektriği enerjis meşvela avas yado elektriğişi enerji omraluşe içalişinen. Enerjişi omralu dido çkvado çkva gzatenti ixenen. İxişen, mjoraşen, kyomurişen, 3’k’arişen do nukleri enerji yado ar dido ondişen elektriğiş enerji imralinen. Na-içkinen k’onarite hemtepeşen, doğaşe do gomteşe enni dido zarari na-meçams nukleri enerjişi santralepe ren. Hemuşen çkva doğas enni dido zarari [...]
Xarbi munoren? Muşeni geidgen? Xarbişen mipek mogaman? Mipek gondinaman do umogapu doskidunan? Xarbepe şeni na biozmonumpe hakşen otkvu minon. Xarbi şeni tabiî ki didişen ç’ut’aşa iris muntxnepe kuçkin, vanati muntxanepe kugnapun. Xarbiş oxo3’ona iri k’oçişi çkvado çkva ren. İrik xarbişe çkvado çkva k’ele mendo3’k’en. Xarbişen muntxanepe mogapu na iozmonampeşen çkva Xarbi k’ai ren na-z’op’ons k’oçepe [...]
M3ika oraşen doni na mebaşkvi oç’arupe çkimis xoloti mebuonam. Ham orapeşi doloxe “ Lazuri Oç’aru “ şen çkva, çkvado çkva oçalişupeşi doloxe bz*iri ti çkimi. Na mom3’ondu, do navar mom3’ondu ar dido dulyak “Lazuri oç’aruşi” dulyaşen çkva dulyapeşe mendemoşkudort’un. Tabiî ki hamtepeşi didope xoloti Lazi kultura do nena k’ala men3xvimerit’u. Ham oçalişupeşi iri hak tkvande [...]
